PROXECTO

QUE É ES-MENTORING?

A Consellería de Promoción do Emprego e Igualdade, a Unión de Cooperativas Galegas EspazoCoop e a Asociación Galega de Cooperativas Agroalimentarias colaboran no desenvolvemento da edición 2023 do programa ES-Mentoring Acompañando á Economía Social, tralo éxito acadado no programa piloto realizado no 2022 que amosou a necesidade de consolidar un programa destas características para a economía social galega.

O programa ten como finalidade apoiar e consolidar ás cooperativas e demais entidades de economía social do tecido económico de Galicia, mediante a realización de servizos e procesos de mentoría, que permita compartir os coñecementos, vivencias e habilidades de profesionais con experiencia con outras entidades da economía social que precisan implementar melloras.

ES-MENTORING dá resposta ás necesidade das empresas da economía social sendo un programa coñecedor das súas especificidades e características, fundamentándose nos seus mesmos valores e principios.

A QUEN ESTÁ DIRIXIDO O PROGRAMA?

A EMPRESAS DA ECONOMÍA SOCIAL QUE QUEIRAN SER MENTORIZADAS
Que estean nun momento de cambio, de crise, transformación, innovación... e estean interesadas en recibir orientación e asesoramento sobre como enfocar a situación por parte de persoas expertas en economía social.

A PERSOAS EXPERTAS NA ECONOMÍA SOCIAL QUE QUEIRAN SER MENTORAS
Interesadas en compartir as vivencias e experiencias, xa que contan con maior traxectoria e experiencia profesional, e teñen pasado por situacións similares comprometéndose aconsellar ás mentorizadas.

COMO O CONSEGUIMOS?

O proceso de mentoría desenvólvese en diferentes ámbitos de traballo: societario, comercial, comunicación, economía e finanzas, organización, RSE, innovación, ODS, transición dixital, internalización, temática sectorial e outros.

Os equipos técnicos da Asociación Galega de Cooperativas Agroalimentarias e a Unión de Cooperativas EspazoCoop avaliarán as candidaturas recibidas e farán o encaixe entre estas e as persoas mentoras que pasan a formar parte da Rede de Mentoras.

Darase unha formación común ás mentoras que facilitará a intercooperación entre as expertas, mais tamén achegará claves, pautas, ferramentas, protocolos e habilidades sobre as técnicas de mentoring.

Podes inscribirte:

como MENTORA ou ben, como MENTORIZADA.

8h de formación
para mentoras

17h de mentoría
por cada mentorizada

1 encontro networking
para mentoras

2 xornadas con intervencións
de persoas referentes
Boas prácticas en mentoring e experiencias doutros territorios. Presentación e peche.

Exemplos de áreas e ámbitos posibles de actuación de ES-MENTORING

SOCIETARIA

>  Como xestionar a entrada de persoas socias e o relevo xeracional.
>  Como xestionar a saída de persoas socias.
>  Incentivar a participación e a cogobernanza nas empresas da economía social.
> Como xestionar e resolver un conflito interno.
> Como implementar protocolos de mediación de conflitos.
> Asembleas e reunións eficaces e participativas.

ECONÓMICA E FINANCEIRA

>  Como detectar necesidades de financiamento.
> Como realizar captación de fondos.
> Analizar as diferencias da xestión cooperativa fiscal e contable.
> Como facer un Plan Económico e Financeiro da empresa da economía social.
> Como beneficiarse das axudas públicas: cales son de interese para o proxecto.

INNOVACIÓN, INTERNACIONALIZACIÓN, TRANSICIÓN DIXITAL

> Como iniciar os pasos á internacionalización.
> Como crear alianzas internacionais cooperativas e na economía social.
> Como abordar a dixitalización básica da entidade: ferramentas e axudas.
> Como se pode innovar dende a economía social: axudas e estratexias.

COMERCIALIZACIÓN E COMUNICACIÓN

>  Estratexias de oferta e comunicación de negocio con responsabilidade social.
> Comunicar e vender baixo principios e valores.
> Ferramentas dixitais testadas para a mellora comercial.
> Contratación pública responsable.
> A comercialización dun servizo ou produto: presentación, promoción, prezo.
> Como achegarse a un coñecemento básico do mercado da nosa empresa ou entidade.
> Como comunicar con éxito os produtos e servizos: Plan de Mercadotecnia.
> Melloras no proceso de prestación do servizo ou elaboración do produto.

ORGANIZATIVA

>  Identidade e definición de liñas de actuación.
> Equilibrio socio-empresarial: responsabilidades e tarefas.
> Como realizar un regulamento de réxime interno.
> Como participar e xerar redes e proxectos de intercooperación.
> Como adecuar a empresa ou entidade aos cambios na base social.
> Como realizar unha boa xestión dos recursos humanos.
> Como fixar colaboracións con outras entidades complementarias.

RSE: IGUALDADE, CONCILIACIÓN, TRANSICIÓN ENERXÉTICA, ODS

> Pautas e protocolos de conciliación na empresa de economía social. Prácticas de implementación.
> Como poñer en marcha un Plan de Igualdade.
> Como incorporar os ODS nos proxectos da economía social.
> Empresas sostibles: implementación de melloras enerxéticas e medioambientais.
> Como facer para monetizar o valor social da nosa empresa ou entidade.

OUTRAS

>  Aspectos claves da fórmula xurídica e revisión da súa xestión.
> Como desenvolver un Plan de Empresa de economía social.
> Revisión de aspectos relacionados coas autorizacións, rexistros ou permisos.
> Certificacións de calidade: orientacións e asesoramento.
> Apoio para o coñecemento da contorna: económica e sociocultural, normativa, ou tecnolóxica.

A COORDINACIÓN

EQUIPO TÉCNICO DE AGACA E ESPAZOCOOP

O persoal dos equipos técnicos da Asociación Galega de Cooperativas Agroalimentarias e a Unión de Cooperativas EspazoCoop realizarán a selección das empresas de economía social participantes no programa, o labor de encaixe entre mentoras e mentorizadas, e a coordinación dos procesos de mentorización. Dende a coordinación verificarase que o proceso de mentoría discorre do xeito esperado, cumprindo os compromisos e acordos.

➡  Toda a información nun clic

➡  Por si prefires a versión reducida

Queres recibir máis información?