ES-MENTORING dá resposta ás necesidade das empresas da economía social dende o coñecemento das súas especificidades e características e baseándose nos seus mesmos valores e principios.
Promovemos a creación dunha rede de mentorías na economía social que permita compartir os coñecementos, vivencias e habilidades dos profesionais con experiencia con outras entidades da economía social que precisan implementar melloras.
A mentorización realízase dende o respecto á natureza destas empresas: participación, integración, traballo colaborativo e colectivo e, sobre todo, valorizando as capacidades das persoas para desenvolver a actividade empresarial procurando un beneficio social e económico.